Safar se lekar muqam tak

 Tick-tick karti hui ghadi aur subah ka alarm,

Uthate hain humein apne dreams se subah Shaam.

Backpack ho ya garam-garam swadisht ready dabbe ki mehek,

Dreams ko hasil karna, ye hai naya maqam.

Bus se lekar traffic ke shor se hoti hai subah ki shuruaat,

Maqam tak pahunchne se pehle hi ho jaate hain obstacles se rubaroo.

Jaate toh hain hum apne future ko bright karne,

Par signals ke brightness se ho jaate hai pareshan.

Daudte-daudte pahuchte hain hum apne platform,

Metro ho ya train, sab ka hai alag ehsaas.

Waqt par pahunchna hai, yehi hai mann ka paighaam,

Dream ko hasil karna, ye hai maqam.

Lagta hai motivation ka naya hai ye naam,

Din ho struggle se shuruaat ya hustle se ho mulaqat,

Growth hai iska parinaam, chahe woh life ki ho ya career ki,

Dream ko hasil karna, ye hai maqam.

Metro ke andar pahuchte hi lagta hai aaram,

Par tension se latpat ho jaati hai dekhkar ye mails ka bahaal.

Lekin mindset karte hi ho jaata hai sabka samadhan,

Kyunki yeh kaam hi pohuchata hai humein apne maqam.

Safar hai sabke alag-alag, lekin umeed hai ek,

Sabka dhyaan rehta hai sirf mobile par, lekin destination hai sabke anek.

Wait karte-karte aaye jab hamara stop, hum tayaar hote hain,

Isse dene alag hi pehchaan, dilon mein ek aag lekar aage badhte hain,

Pohuchne apne dreams ke maidan.

Ek se dedh ghante ka ye safar sikhaata hai bahut kuch,

Chahe woh life lesson ho ya Insomniacs tak pahunchne ka maqam.

Har kadam, har ehsaas yaad dilate hai apne safar ka ek anokha charm,

Kamyaabi hai iska naam, agar badte rahe har kadam aapke way,

Toh successful destination ban jaata hai aapke naam.